Chisangalalo cha Nikaah pa Shari’ah

Tisaiwale kukumbukira kuti Kusangalala tsiku la Nikkah, sikuti Ndi chikakamizo ayi, koma kuti ndi Sunnah, chifukwa Anthu amazikakamiza ndikupanikizika Poona kuti afune asafune akuyenera kuchititsa Chisangalalo cha Nikkah yawo,dziwani kuti Kumangitsa Nikkah ndi chinthu China kusangalalaso Ndi chinthu China,Sikuti kupanda kusangalala ndiye kuti Nikkah yo Siyidatheke ayi,chifukwa Mu malamulo a Nikkah mulibemo Kusangalala komwe Tikukukamba apaku.

Ndipo kusangalalako ndi utendere waukulu wa Allah, kuwasangalalira awiri okwatirana ndi khomo limodzi kuchokera mu makomo achisangalalo ndi chimwemwe,chifukwa kukwatirako ndi njira kuchokera mu njira yakuzibisa Ndi kuzisunga ku zinthu zonyasa {chiwerewere}, kuyambira kale anthu amaonetsera ndipo adzakhalabe akuonetsera chisangalalo Chawo cha utendere wabanjawu mpaka kale ,ndipo adazipangira Njira zosiyanasiyana zosangalalira motengera ndi kugwirizana ndi Maiko awo kapena madera awo ndi Zikhalidwe zawo.

Ndipo Njira yoyamba yosangalalira Tsiku la Nikkah ndiko kukonza Chakudya, Ndipo Mtumiki wathu adatilimbikitsa zakutero

Kuli maumboni ambiri olimbikitsa kuphika chakudya ndikuyitana Anthu monga achibale,ndi oyandikana nawo,ndi Anthu ochita nawo chinzake {Friends},kutero ndi Njira inaso yolengezetsera ukwatii chifukwa Sharia idalimbikitsa zakulengezetsa ukwati ndikutiso usamachitike mobisa,akuyankhula Mtumiki

Mu Hadith imeneyi tikupeza zinthu ziwiri:

– kulengezetsa za Nikkah :Chisilamu sichimafuna kuti ukwati uzichitika mwachinsinsi ngati kuti mkaziyo ndi wakuba kapena ochita kulanda,koma kuti zimakakamizika kulengezetsa kuti aliyense adziwe kuti anthu ena ake akukwatirana kupangira kuti pasazapezeke Mamuna wina ofunsira mkazi wa mwini mosazindikira,komaso zimachititsa kuti mamuna ndi mkazi azimasuka popanda kubanika chifukwa chakuti aliyense amakhala akudziwa kuti ndi okwatirana,ngakhale atawaona akuyenda limodzi mogwirana manja sangafunseso kuti uyu ndi ndani wanu.ndipo kulengezetsa ukwati Kumasiyanitsa pakati pa CHIGOLOLO ndi KUKWATIRA kwa Sharia, chifukwa Chigololo salengezetsa Chimachitika mwa mseli zimangodziwika ndi ana opanda azibambo,Tikumbukireso kuti tikamati Kulengezetsa za Nikkah Sikutathauza kuti Dziko lonse kulidziwitsa koma kuti kuwadziwitsa anthu apa mudzi ndi achibale ndi ochita nawo chinzake,mu Njira iliyonse yowadziwitsira.

– kusangalala tsiku la Nikkah poyimba nyimbo za ma Duffu.

Zolakwika za Chisangalalo cha Nikkah:

________________________

-kusakanikana kwa Amuna ndi akazi: kusakanikana kwa Amuna ndi akazi kumayamba ku mchezo,chikhalidwe cha Kuchezera usiku wa Nikkah ngakhale kuti Chidayamba kale ndinso tidawapeza Makolo athu akuchita,kupatula kuti ndi Ndi Chikhalidwe Chodzetsa zonyasa pamene kumachitika kusakanikana kwa Amuna ndi akazi, Mwina ena ndikumati nthawi zina amatha kuchezera Amuna Kwa okha akaziso kwa okha choncho sikumachitika kusakanikana,Titha kuyankha kuti ndi Zoonadi pena zimachitika choncho, Koma Kuti Vuto la kuchezerako ndi lalikulu ndinso zotsatira zake ndi zoipa,Choncho Sharia nthawi zonse Imaletsa Njira iliyonse yozedza ku zinthu za Haram, Tonse tikudziwa bwino zomwe zimachitika ku michezo kuchokera mu zinthu za Haram, choncho inu simuli ofunikira kuchititsa mchezo wa Nikkah yanu,koma kuti ndi zokwanira kulengezetsa za Tsiku ndi Malo Ndi kayendetsedwe ka Chisangalalo cha Nikkah yanuyo.

-Kuyimba ndi kuvina:choyamba Kuvina kwa Akazi okhaokha pagulu lawo ndi kololedwa.

عن عائشةَ رضي الله عنها ((أنَّ أبا بكرٍ رَضِيَ الله عنه دخل عليها وعِندَها جاريتانِ في أيَّامِ مِنًى تُدَفِّفانِ وتَضرِبانِ، والنبيُّ صلَّى اللهُ عليه وسلَّم متغَشٍّ بثوبِه، فانتَهَرهما أبو بكرٍ، فكشف النبيُّ صلَّى اللهُ عليه وسلَّم عن وَجهِه، فقال: دَعْهما يا أبا بكرٍ؛ فإنَّها أيامُ عيدٍ، وتلك الأيَّامُ أيَّامُ مِنًى)).  رواه البخاريُّ.

Hadith ikuchokera kwa Mayi Aisha Allah asangalale nawo,ndithu Abubakr Allah asangalale naye adalowa mnyumba mwa Aisha Allah asangalale naye,ndipo panthawiyo ndikuti Mayi Aisha adali ndi Atsikana awiri akuyimba ndikumamenya ma Duffu masiku a mina, ndipo Mtumiki adali atazibisa ndi chovala chake {kuti asamaone Atsikanawo} Abubakr adawakalipira atsikana awiri aja, kenako Mtumiki adazivundukula Nkhope Yake nayankhula kwa Abubakr kuti: Asiye Atsikanawo eeeh! iwe Abubakr chifukwa ndithu amenewa ndi Masiku achisangalalo, ndipo masiku amenewa ndi Masiku a mina (masiku a Mina ndi masiku atatu pambuyo pa tsiku la Eidul-Adhuha mu Dhul Hijja, ndipo amatchedwaso ndi dzina lakuti Ayyamu Tashriq,choncho palibe vuto kusangalala mu masiku amenewo).

Mu Hadith imeneyi Muli kuloleza kuimba kwa Azimayi ndi kuvina, masiku azisangalalo Monga Eid ndi Tsiku laukwati, komatu Tikuyenera Kumvetsa apa kuti Zida zomwe amaimbira ndi Ma Duff,ambiri tikuwadziwa ma Duffu, Kwa amene sakuwadziwa afufuze ena mwa ma Nasheed aku Tanzania oyimbidwa ndi Anyamata amagwiritsira ntchito ma Duff, Koma Timvetse bwino kuti kuvina komwe kudaloledwa apa ndi kuvina kwa akazi okhaokha, komaso kuvinako kuzichitika mosakweza mawu mwakuti sangathe kumva azimuna achikunja, komaso Mawu oyankhulidwa mu nyimbo wo akhale opanda uthenga oipa kapena olimbikitsa zoipa.

Tsopano Tiyeni tione Masiku ano ndi kufalikira kwa Zikhalidwe zonyasa zochokera kwa Azungu ndi kutengeka kwa azikazi achisilamu ndi Asilamu ena mwaunyinji, Tipeza kuti Kuvina kwa Akazi komwe Kumachitika Masiku ano Sikungafanane ndi momwe Akazi akale amachitira, mu nthawi imene kudali umunthu mwa azimayi ndi Mavalidwe abwino.

Ndiye ndi zachidziwikire kuti masiku ano Kuvina komwe kumachitika mu ma Nikkah, kumakhala kosakanikana Amuna ndi Akazi, chachiwiri Akazi amavala Zoonetsa matupi ndi Zothina komaso zo Dinda, mwakuti akamavina aliyense amakhala wayika thupi lake pa Scale, chachitatu mupeza mkazi mkazi wachisilamu pa Nikkah akuvina mopeleka mayesero,kugwedeza Thupi lake paliponse, izi zimachitika chifukwa chakutengera kwawo mavinidwe achikunja ama Kafir, Choncho Chifukwa cha Zotsatira za Mchitidwe umenewu potengera ndi zoipa zomwe Zimatsatizirapo,ndi Haram Akazi kuvina mu Zisangalalo za Nikkah pa zifukwa zomwe Tafotokozazo, Ndipo tanena kale kuti Sharia imatseka Njira iliyonse yofikitsa ku Zinthu za Haram (سد الذريعة) ngakhale zitakhala kuti Chinthucho pachiyambi chake ndi chololedwa.

-Kuwononga Chuma chambiri:anthu ambiri amachedwetsa maukwati awo ,Pofuna kudzachita Chisangalalo cha Nikkah yawo Ku Malo abwino komaso Kubwereka Magalimoto,izi ndi zolakwika chifukwa Timazikakamiza Kuchita zinthu zimene zimationongera ndalama zambiri kumachita kuti Tilibe Ndalamazo,Choncho Asilamu timaphunzitsidwa kuti Tizipanga zimene tingakwanitse,ndipo kuchedwetsa Nikkah Pofuna kudzapeza Kaye Zinthu ndi komwe kukufalitsa Chigololo, chifukwa Amuna ndi akazi akukhala paubwezi wa Haram ndikumangochita chigololo akuti adzakwatirana zidzakayenda, adzapeze kaye ndalama yobwerekera magalimoto ndi Hall.