Malangizo a Mtumiki salla Allah alaih wasallam kwa Atsogoleri a magulu a nkhondo:

كانَ رَسولُ اللهِ صَلَّى اللَّهُ عليه وَسَلَّمَ إذَا أَمَّرَ أَمِيرًا علَى جَيْشٍ، أَوْ سَرِيَّةٍ، أَوْصَاهُ في خَاصَّتِهِ بتَقْوَى اللهِ، وَمَن معهُ مِنَ المُسْلِمِينَ خَيْرًا، ثُمَّ قالَ: اغْزُوا باسْمِ اللهِ في سَبيلِ اللهِ…صحيح مسلم كِتَابُ الْجِهَادِ وَالسِّيَرِ  بَابُ تَأْمِيرِ الْإِمَامِ الْأُمَرَاءَ عَلَى الْبُعُوثِ ، وَوَصِيَّتِهِ إِيَّاهُمْ بِآدَابِ الْغَزْوِ  حديث #3364

Mtumiki salla Allah alaih wasallam amati akaika mtsogoleri wa asirikali kapena gulu lankhondo, anali kumulangiza kuti akhale owopa Mulungu ndikuchita zabwino pa Asilamu omwe ali nawo. Kenako anati:

  • “Menyani nkhondo mudzina la Allah (moyezamira kwa Allah), munjira ya Allah (pofunafuna chisangalalo cha Allah ndikukweza deen yake”
  • “Menyanani ndi ma kaafir (omwe akanira Allah)”
  • “Musanyengezedwe ndi zosiyidwa pankhondo”
  • “Musaphwanye pangano/musawathire nkhondo musanawaitanire ku Chisilamu.”
  • “Musadule ziwalo za ophedwa”
  • “Musaphe ana.”
  • “Mukakumana ndi adani mwa ma mushrik, muwaitanire ku zinthu zitatu motsatizana, akavomera chimodzi muwasiye:”
  1. “Muwaitanire ku Chisilamu, akavomera muwasiye. Akakana alamuleni jizya ndipo akalola kupereka, asiyeni musawathire nkhondo. Koma ngati akane kupereka, yezamirani mwa Allah ndikuwathira nkhondo.”
  2. “Muwauze asamukire Mmadina, ngati angalole adzapeza ufulu wonse chimodzimodzi wa ma Muhajireen, koma ngati akane, awuzeni adzatengedwa ngati Asilamu akumidzi ndipo adzakhala pansi pa malamulo a Mulungu chimodzimodzi ngati Asilamu ena, koma sadzapeza gawo mu chuma chochokera ku nkhondo pokhapokha atamenya nkhondo limodzi ndi Asilamu polimbana ndi ma mushrik.”
  3. “Pamene mwazungulira adani ndiye apempha chitetezo mwa Mulungu ndi Mtumiki wake, musawavomereze chitetgezo cha Allah ndi Mtumiki wake. Koma apatseni chitetezo cha inu ndi anzanu. Pakuti ndi tchimo laling’ono ngati chitetezo choperekedwa ndi inu kwa iwo chitanyalanyazidwa, kuposa kuti chitetezo choperekedwa m’dzina la Allah ndi Mtumiki wake chiphwanyidwe.”

#Sahih Muslim (Sharh Nawawi) Kitaabul Jihaad wa Ssiyar, Baabu Taameerul Imaamil Umaraa ‘alal Bu’uthi, wa Waswiyyatihi Iyyaahum bi Aadaabil Ghazwi

NDONDOMEKO YA JIHAAD YOVOMEREZEKA

Allah Ta’la walongosola malamulo a Jihaad kuti ikhale yovomerezeka.

Malamulowa akupezeka mu aayah ya Surah Al Anfaal(008):060:

وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِنْ دُونِهِمْ لَا تَعْلَمُونَهُمُ اللَّهُ يَعْلَمُهُمْ…

“Ndipo akonzekereni mmene mungathere (zomenyera nkhondo) ndi mphamvu zanu (zonse), ndiponso poikiratu mahatchi odikira nkhondo kuti muwaopseze nazo adani a Mulungu ndi adani anu (amene mukuwadziwa) ndiponso (ndi) ena omwe (inu) simukuwadziwa, koma Mulungu akuwadziwa…”

Choyamba:

لابد أن يسبقه الدعوة إلى الله تعالى

Ma Mujaahideen akuyenera kuyamba ndi kupanga da’wah, kuitanira ku Haqq poletsa zoipa zomwe zikuchitika. Asafikire kulowa mu Jihaad asanapange da’wah.

Izi zikuchokera mu njira yomwe Mtumiki salla Allah alaih wasallam anali kugwiritsa ntchito pachiyambi penipeni polimbana ndi ma mushrik amene anali kutsekereza njira zofalitsira Tawheed. Komanso anali kuwalembera makalata mafumu ndi atsogoleri a maiko osiyanasiyana, kuwaitanira ku Tawheed. Ndipo sankawathira nkhondo kupatula ngati akana kugonjera ku Umodzi wa Allah ndikuwaukira omwe akupanga da’wah powachita chipongwe.

Chachiwiri:

لابد أن يكون تنظيم الجهاد والأمر به من صلاحيات ولي أمر المسلمين

Utsogoleri wa jihaad komanso kukhonza ndondomeko zonse ndikulamula kuti iyambike, kukhale mmanja mwa Mtsogoleri wa Asilamu kapena omwe awasankhe mmalo mwawo.

Chifukwa Mtumiki salla Allah alaih wasallam yemwe anali Mtsogoleri wa Asilamu, ndi amene anali kukhonza ndi kutsogolera magulu a nkhondo, komanso nthawi zina anali kupereka udindowo kwa atsogoleri ena. Asilamu sanali kumenya nkhondo popanda lamulo la Mtumiki salla Allah alaih wasallam kapena ma Khalifa pambuyo pake komanso Atsogoleri a Chisilamu omwe anali kulowa mmalo mwawo.

Sanali kukhonza ndi kutsogolera kapena kulamulira Jihaad munthu wamba ngakhale atakhala ozindikira chotani.

Chimenecho ndiye chiphunzitso cha Mtumiki wathu Muhammad salla Allah alaih wasallam pa nkhondo ya munjira ya Allah.

Chachitatu:

لابد أن يكون للمسلمين قوة واستعداد تام للقيام بالجهاد

Asilamu akuyenera kukhala ndi mphamvu zomenyera nkhondoyo, komanso akhonzekere mokwanira, ndipo chimodzi mwa zinthu ziwiri zimenezi chikasowa, akuyenera kuchedwetsa mpaka atamaliza kukhonzekera kokwanira.

Mmenemo ndi mmene Mtumiki salla Allah alaih wasallam ndi ma Swahaba ake anachitira ku Makkah asanasamukire ku Madinah, pamene ma mushrik anali kuwavutitsa, kuwamenya ndikuwapha, kotero iwo sanabwezere, chifukwa choti anali ofooka komanso opanda zida ndipo Allah Ta’la sanawalamule kuti achite Jihaad; chifukwa Jihaad imafuna mphamvu komanso zida, zomwe iwo analibe. Umboni wa izi ukuchokera mu Surat Al Anfaal (08):60

وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِنْ دُونِهِمْ لَا تَعْلَمُونَهُمُ اللَّهُ يَعْلَمُهُمْ…

“Ndipo akonzekereni mmene mungathere (zomenyera nkhondo) ndi mphamvu zanu (zonse), ndiponso poikiratu mahatchi odikira nkhondo kuti muwaopseze nazo adani a Mulungu ndi adani anu (amene mukuwadziwa) ndiponso (ndi) ena omwe (inu) simukuwadziwa, koma Mulungu akuwadziwa…”

Chachinayi:

لابد أن يعرف من هو العدو الذي يقاتل

Akuyenera kumudziwa mdani yemwe akulimbana naye. Asilamu sangachite Jihaad ya mtundu umenewu kupatula polimbana ndi anthu okanira omwe akutsekereza njira ya Allah Ta’la, omwe akuwaletsa anthu ena kulowa mu Chisilamu komanso akumafalitsa kufr padziko ndikumalimbana ndi Asilamu. Amenewa ndiye omwe Asilamu akuyenera kuwathira nkhondo – Jihaad. Tsopano ma kaafir omwe sakulimbana ndi Asilamu komanso sakunka nafalitsa aqeeda zawo zoonongekazo, komanso kufr yomwe ali nayoyo ikuthera pa iwowo sakuifalitsa, amenewo sakuyenera kuthiridwa nkhondo. Zimenezitu zikuchokera pa Surah Al Mumtahana (060):8

لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ  إِنَّ اللَّهَ يُحِبُّ الْمُقْسِطِينَ

“Mulungu sakukuletsani kuwachitira zabwino ndi chilungamo amene sadakumenyeni ndi kukutulutsani m’nyumba zanu chifukwa cha Chipembedzo. Ndithu, Mulungu akukonda achilungamo.”

Palinso ma mushrik omwe sakuyenera kuthiridwa nkhondo, omwe mwapangana nawo mgwirizano ndipo mwagwirizana kuti aliyense sadzadumpha malire a mgwirizanowo. Amenewo magazi awo ndi haram kukhetsedwa, chuma chawo ndi haram kulandidwa, potengera mgwirizano womwe mwaika pakati panu. Izi zikuchokera mu Surah Al Nahl (016):91

وَأَوْفُوا بِعَهْدِ اللَّهِ إِذَا عَاهَدْتُمْ وَلَا تَنْقُضُوا الْأَيْمَانَ بَعْدَ تَوْكِيدِهَا وَقَدْ جَعَلْتُمُ اللَّهَ عَلَيْكُمْ كَفِيلًا إِنَّ للَّهَ يَعْلَمُ مَا تَفْعَلُونَ 

“Ndipo kwaniritsani lonjezo (limene mukupereka mdzina) la Mulungu pamene mulonjeza, ndipo musaswe malonjezowo pambuyo pakuwalimbikitsa; pomwe mwasankha Mulungu kukhala mboni yanu; ndithu, Mulungu akudziwa. (zonse) zimene mukuchita.

Mtumiki salla Allah alaih wasallam ananenanso kuti: “Yemwe angaphe munthu yemwe ali mumgwirizano, sadzapeza fungo la ku Jannah, ndithu fungo la ku Jannah lidzapezeka (kwa iwo) mtunda wokwana kuyenda zaka 40”. Sahih Al Bukhari #3166.

Choncho Msilamu yemwe wapha munthu otereyu ngakhale ali kaafir, adzayenera kupereka dipo lofanana ndi yemwe wapha Msilamu… Izi zikuchokera pa Surah Al Nisaai (004):92

وَمَا كَانَ لِمُؤْمِنٍ أَنْ يَقْتُلَ مُؤْمِنًا إِلَّا خَطَأً  وَمَنْ قَتَلَ مُؤْمِنًا خَطَأً … وَإِنْ كَانَ مِنْ قَوْمٍ بَيْنَكُمْ وَبَيْنَهُمْ مِيثَاقٌ فَدِيَةٌ مُسَلَّمَةٌ إِلَى أَهْلِهِ وَتَحْرِيرُ رَقَبَةٍ مُؤْمِنَةٍ  فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِنَ اللَّهِ  وَكَانَ اللَّهُ عَلِيمًا حَكِيمًا

“Ndipo sikoyenera kwa Msilamu kupha Msilamu (mzake mwadala) pokhapokha mwangozi <|…|> ngati wophedwayo ndi mmodzi wa anthu omwe pakati panu ndi iwo pali chipangano (chosamenyana nkhondo), ndiye kuti amulowammalo ake apatsidwe dipo; apatsidwenso ufulu kapolo wa Chisilamu. Ndipo ngati sadapeze (zoterozo), asale miyezi iwiri yotsatana. Iyo ndiyo njira yolapira (pautchimo wotere) yochokera kwa Mulungu. Ndipo Mulungu ngodziwa ngwanzeru zakuya.”

CHOLINGA CHA NKHONDO YA MUNJIRA YA ALLAH (JIHAAD)

Cholinga chachikulu cha Jihaad ndiko kukweza Liwu la Allah Ta’ala, malinga ndi kuyankhula kwa Mtumiki Muhammad salla Allah alaih wasallam: “Yemwe amenye nkhondo ncholinga chokweza Liwu la Allah, ali munjira ya Allah”

Allah Ta’la ndiye amene analamula Jihaad munjira yake ponena mu Surah Al Baqarah (002):190

وَقَاتِلُوا فِي سَبِيلِ اللَّهِ…..

“Ndipo menyani nkhondo munjira ya Mulungu…” Komanso mu Surah Al Baqarah (002):193

وَقَاتِلُوهُمْ حَتَّى لَا تَكُونَ فِتْنَةٌ وَيَكُونَ الدِّينُ لِلَّهِ  فَإِنِ انْتَهَوْا فَلَا عُدْوَانَ إِلَّا عَلَى الظَّالِمِينَ

“Ndipo menyananaoni kufikira pasakhale masautso (ochokera kwa iwo powasautsa Asilamu popanda chifukwa). Ndipo Chipembedzo chikhale cha Mulungu (osati kupembedza anthu). Koma ngati asiya, pasakhale mtopola kupatula kwa okhawo amene ali ochita zoipa.”

Akamati munjira ya Mulungu, akutanthauza kuti pogonjera malamulo ake ndikufalitsa Chipembedzo chake komanso kukweza Liwu lake. Osati kulimbana ndi anthu kapena kulanda chuma chawo ndi kukhetsa mwazi wawo popanda haqq yathu … koma kukweza Liwu la Allah Ta’la ndikufalitsa Chipembedzo chake, chifukwa chimenechi ndi Chipembedzo chomwe munthu analengedwera, choncho kuchita Jihaad yotereyi kukhala kwabwino kwa makafir akavomera kubwelera ku Deen.

Zonsezi tikuwerenga kuchokera mu buku lotchedwa الجهاد أحكامه وضوابطه Lolembedwa ndi Samaahatu Sheikh Salih Fawzaan Al Fawzaan HafidhahuLlaah, page 14-20 komanso zambiri zikupezeka mu buku la Imaam Al Haafiz Al Mujaahid Abdullah bun Al Mubaarak RahmatuLlaahi ‘alaih.

Kufikira pamenepo, ndikupempha Allah Ta’ala kudzera Mmaina ake abwino ndi Mbiri zake zapamwamba, kuti Liwu lake likwezedwe, komanso Chipembedzo chake chikhale chopambana, awadalitse Asilamu onse ndi kuzindikira za Deen ya Allah, atiteteze ku zoipa zochokera mmayesero apadziko, atiteteze ku fitna za mbali zonse ndi eni ake omwe, atiteteze kwa omwe amabweretsa zokaikitsa ndi zosocheretsa mu deen yokwanirayi. Yaa Allah tionetseni choonadi ndikutidalitsa pakutsatira, tionetseni zoipa ndikutidalitsa pakudzitalikira, tithandizeni pakudziwa kusiyanitsa pakati pa zinthu zosokonekera ndi zolungama kuti tisasokere.

Kukamba za Jihaad ya Osama bin Laden